मेमरी म्हणजे काय ?

मानवामध्ये लक्षात ठेवण्यासाठी ज्याप्रमाणे स्मृती असते त्याचप्रमाणे संगणकाकडे डेटा लक्षात ठेवण्यासाठी मेमरी असते. ही मेमरी C.P.U. चा अविभाज्य भाग असते. याला संगणकाची मुख्य मेमरी, अंतर्गत मेमरी, किंवा प्राथमिक मेमरी म्हटले जाते.

मेमरीचे सर्वात लहान एकक म्हणजे बिट होय.

* बिट मेमरीमध्ये संग्रहित डेटा 0 आणि 1 ला एकत्रितपणे बायनरी अंक म्हणून ओळखला जातो. थोडक्यात त्यास बिट देखील म्हणतात. हे बिट मोबाईल किंवा कॉम्प्यूटर मध्ये स्मृतीद्वारे व्यापलेली जागा मोजण्यासाठी सर्वात लहान एकक आहे.

चला तर पाहुयात ही मेमरी कशा प्रकारे वाढत जाते.

• 8 बिट               = 1 बाइट ( Byte )
• 1024 Byte.      = 1 किलोबाइट (1 KB)
• 1024 KB.         = 1 मेगाबाइट (1 MB)
• 1024 MB.        = 1 गिगाबाइट (1 GB)
• 1024 GB.         = 1 टेराबाईट (1 TB)

मेमरी ही आणखीन अशीच पुढे वाढत जाते. आपणास ही माहिती नंतर आवश्यकतेनुसार पुरवण्यात येईल.

आपल्या फोन किंवा संगणकामध्ये दोन प्रकारची मेमरी असते. चला जाणून घेऊया या बाबतीत.

1. रॅम ( RAM )
2. रोम ( ROM )

* रॅम (रँडम एक्सेस मेमरी): -

रॅम किंवा रँडम एक्सेस मेमरी फोन किंवा कंप्यूटर्समध्ये टेम्पर्री मेमरी आहे. की-बोर्ड किंवा कोणत्याही अन्य इनपुट साधनाद्वारे इनपुट केलेली माहिती प्रक्रियापूर्वी रॅममध्ये संग्रहित केली जाते आणि नंतर आवश्यकतेनुसार सीपीयूद्वारे तेथून प्राप्त केली जाते. डेटा किंवा प्रोग्राम तात्पुरता रॅममध्ये साठवला जातो. रॅममध्ये अनेक क्षमता किंवा आकार आहेत जसे की 4 एमबी, 8 एमबी, 16 एमबी, 32 एमबी, 64 एमबी, 128 एमबी, 256 एमबी, 512 एमबीए, 1 जीबी, 2 जीबी इ.

* रोम ( रिड ओन्ली मेमरी ): -

रोमचे संपूर्ण नाव रीड ओन्ली मेमरी आहे. ही कायमस्वरूपी मेमरी आहे जी फोन किंवा संगणकाच्या निर्मितीदरम्यान प्रोग्राम संग्रहित करण्यासाठी वापरण्यात येते. स्टोअर प्रोग्राम या संचयामधुन रूपांतरित किंवा नष्ट केले जाऊ शकत नाहीत, ते केवळ वाचले जाऊ शकतात. म्हणूनच या मेमरीला केवळ वाचनीय मेमरी म्हटले जाते. यालाच आपण स्टोअरेज म्हणतो. रॅमप्रमाणेच रोममध्ये देखील अनेक क्षमता आहेत. जसे की 4 एमबी, 8 एमबी, 16 एमबी, 32 एमबी, 64 एमबी, 128 एमबी, 256 एमबी, 512 एमबीए, 1 जीबी, 2 जीबी, 4 जीबी, 8 जीबी, 16 जीबी, 32 जीबी, 64 जीबी, 128 जीबी, 256 जीबी, 512 जीबी, 1 टिबी इ.